30.04.2026 | 18:19
ԱԺ հանձնաժողովը դրական եզրակացություն է տվել Արտաքին հետախուզության ծառայության մասին օրենքում փոփոխությունների նախագծին
Սիրիայի ԱԳՆ, ՊՆ և հետախուզության ղեկավարները հունվարի 15-ին Թուրքիա կայցելեն
Քաղաքականություն
14.01.2025 | 16:41
Սիրիայի բարձրաստիճան պաշտոնյաները, այդ թվում՝ արտաքին գործերի, պաշտպանության նախարարներն ու հետախուզության ղեկավարը, պատրաստվում են հունվարի 15-ին պաշտոնական այց կատարել Անկարա, փոխանցում է Turkiye today-ը։
«Վաղը մենք առաջին պաշտոնական այցը կկատարենք Թուրքիա, որը 14 տարի շարունակ մենակ չի թողել սիրիացի ժողովրդին՝ ներկայացնելու Նոր Սիրիան»,- X-ում թուրքերենով գրել է Սիրիայի արտաքին գործերի նախարար Ասաադ ալ-Շայբանին։
Ակնկալվում է, որ այցի ընթացքում երկու երկրների պաշտոնյաները կանցկացնեն կարևոր բանակցություններ՝ կենտրոնանալով անվտանգության, սահմանների կառավարման և տարածաշրջանային համագործակցության վրա: Այցը դիտարկվում է որպես Թուրքիայի և Սիրիայի հարաբերություններում կարևոր քայլ, հատկապես՝ Սիրիայում քաղաքական միջավայրի փոփոխությունից հետո։
Հիշեցնենք, որ Սիրիայի նախկին նախագահ Բաշար Ասադի տապալումից հետո Դամասկոս են այցելել Թուրքիայի հետախուզական ծառայության ղեկավար Իբրահիմ Քալընը, ինչպես նաև ԱԳ նախարար Հաքան Ֆիդանը։
Թարգմանությունը՝ Էմմա Չոբանյանի
