18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
Քաղաքականություն
13.01.2025 | 21:00
ՏԿԵ նախարար Դավիթ Խուդաթյանն այսօր ընդունել է Իրանի Իսլամական Հանրապետության Մեջլիսի Իրան-Հայաստան բարեկամական խմբի ղեկավար Արա Շահվերդյանի գլխավորած պատվիրակությանը։
Պատվիրակության կազմում էր նաև Հայաստանում ԻԻՀ դեսպան Մեհդի Սոբհանին։
Հանդիպմանը մասկացում էին ԱԺ պատգամավորներ, բարեկամական խմբի ղեկավար Նարեկ Բաբայանը և անդամ Ռուստամ Բաքոյանը։
«Ողջունել եմ հյուրերին և ընդգծել, որ Հայաստանը հարուստ օրակարգ ունի Իրանի Իսլամական Հանրապետության հետ։
Նշել եմ, որ այս տարիներին մեծ ծավալի աշխատանք է կատարվել և պատրաստակամություն եմ հայտնել շարունակել համագործակցությունը բոլոր ոլորտներում։
Առանձնակի կարևորել եմ հատկապես Էներգետիկ և ճանապարհաշինության ոլորտներում առկա համագործակցության խորացման անհրաժեշտությունը։
Քննարկել ենք երկուստեք հետաքրքրություն ներկայացնող մի շարք հարցեր»,- ասված է Խուդաթյանի գրառման մեջ։
