20.02.2026 | 11:15
Դպրոցի նկատմամբ հարուցվել և իրականացվել է վարչական վարույթ, տնօրենի տրվել է կարգադրագիր․ ՀՀ կրթության տեսչական մարմին
Ադրբեջանցի ընդդիմադիր ակտիվիստը դատարանի դահլիճում ինքնասպանության փորձ է արել
Քաղաքականություն
13.01.2025 | 22:44
Բաքվի ծանր հանցագործությունների դատարանում այսօր դատավոր Այգյուն Գուրբանովայի նախագահությամբ շարունակվել է ընդդիմադիր Նիջաթ Իբրահիմի դատավարությունը։ Ադրբեջանական լրատվամիջոցների հաղորդմամբ՝ նիստն ընդհատվել է այն բանից հետո, երբ Իբրահիմը, ի նշան իր անօրինական կալանավորման դեմ բողոքի, փորձել է ինքնասպան լինել:
Նիստի սկզբում նա հայտարարել է, որ 4 ամիս ապօրինի կալանքի տակ է պահվել, ինչի պատճառով Մոլդովայում գտնվող իր ընտանիքը հայտնվել է ծանր վիճակում, լրատվամիջոցներին հայտնել է նրա փաստաբան Զիբեյդա Սադիգովան։ Իբրահիմը նշել է, որ մեղադրանքն անհիմն է, և որ իր վրա հարձակում կատարողները պետք է կալանքի տակ լինեն։ Դատավորը, սակայն, ասել է, որ նա կկարողանա իր դիրքորոշումը հայտնել դատաքննության ընթացքում։
Ըստ փաստաբանի՝ Իբրահիմը զայրացել է դատավորի անտարբերությունից և սկսել գլուխը հարվածել ապակուն։ Մինչ դատական կարգադրիչների միջամտությունը տղամարդու գլուխը սկսել է արնահոսել։
Դատական նիստն ընդհատվել է, Իբրահիմին բժշկական օգնություն է ցուցաբերվել։
Դատական նիստը կշարունակվի հունվարի 21-ին։
Հավելենք, որ ավելի վաղ էլ ակտիվիստն իրեն մարմնական վնասվածներ էր հասցրել այն բանի համար, ոստիկանությունը ֆիզիկական ճնշում էր գործադրել նրա վրա՝ մեղադրանքներն ընդունելու համար։
Թարգմանությունը՝ Էմմա Չոբանյանի
