30.04.2026 | 12:25
Մակրոնը Գյումրիում ներկա կգտնվեն «Երաժշտական կամուրջ. Հայաստան-Ֆրանսիա» խորագրով համերգին
Կրեմլը հայտնում է, որ Պուտին-Թրամփ բանակցությունների առարկայական նախապատրաստություն դեռևս չկա
Քաղաքականություն
13.01.2025 | 16:13
Դեռևս վաղ է խոսել ՌԴ նախագահ Վլադիմիր Պուտինի և ԱՄՆ նորընտիր նախագահ Դոնալդ Թրամփի հնարավոր հանդիպման վայրի մասին՝ վերջինի կողմից պաշտոնը ստանձնելուց հետո, քանի որ այս իրադարձության համար որևէ էական նախապատրաստություն չի իրականացվում։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է Ինտերֆաքսը։
«Շատ երկրներ են առաջարկում իրենց ծառայությունները՝ որպես վայրեր, որտեղ կարող են անցկացվել հիպոթետիկ շփումները, բայց դեռ վաղ է այդ մասին խոսելը, դեռևս բովանդակային նախապատրաստություն չկա»,- ասել է Պեսկովը լրագրողներին՝ մեկնաբանելով տարբեր երկրների, մասնավորապես, Սերբիայի և Շվեյցարիայի առաջարկները Պուտինի և Թրամփի հանդիպման համար հարթակ տրամադրելու վերաբերյալ։
Ըստ Կրեմլի ներկայացուցչի՝ ներկայում «կա հայտարարված ըմբռնում և քաղաքական կամք, որ նման շփումները շատ անհրաժեշտ և տեղին կլինեն»։
«Հետագայում կտեսնենք արդեն այն բանից հետո, երբ Վաշինգտոնում փոխվի վարչակազմը»,- ասել է Պեսկովը։
Թարգմանությունը՝ Էմմա Չոբանյանի
