08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դոհայում Գազայի հարցով բանակցություններում բեկում է արձանագրվել. Reuters
Քաղաքականություն
13.01.2025 | 15:55
Գազայի հատվածի կարգավորման շուրջ Դոհայի բանակցություններում առաջընթաց է գրանցվել, հրադադարի և գերիների փոխանակման մասին համաձայնագրի նախագիծն ուղարկվել է Իսրայելին և պաղեստինյան ՀԱՄԱՍ շարժմանը: Այս մասին գրում է Reuters-ը՝ վկայակոչելով բանակցությունների ընթացքից տեղեկացված պաշտոնյային։
«Բեկումը գրանցվել է Դոհայում կեսգիշերից հետո՝ իսրայելական հետախուզության ղեկավարների, Մերձավոր Արևելքի հարցով ԱՄՆ նորընտիր նախագահ Դոնալդ Թրամփի հատուկ բանագնացի (Սթիվ Վիտկոֆ) և Կատարի վարչապետի բանակցություններից հետո»,- ասել է գործակալության պաշտոնյան։
Նշվում է, որ Կատարը, որը հանդես է գալիս բանակցություններում որպես միջնորդ, արդեն Իսրայելին ու ՀԱՄԱՍ-ին է փոխանցել հրադադարի և պատանդների ազատ արձակման մասին համաձայնագրի «վերջնական» նախագիծը։
Կիրակի ավելի վաղ իսրայելական պատվիրակությունը ժամանել է Դոհա՝ շարունակելու Գազայի հատվածի կարգավորման շուրջ բանակցությունները՝ իսրայելցի պատանդներին ազատ արձակելու դիմաց:
Թարգմանությունը՝ Տաթև Ֆռանգյանի
