06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Ուրսուլա ֆոն դեր Լեյենին չեն հրավիրել Թրամփի երդմնակալությանը
Քաղաքականություն
10.01.2025 | 20:43
Եվրահանձնաժողովի նախագահ Ուրսուլա ֆոն դեր Լեյենը չի մասնակցի հունվարի 20-ին կայանալիք ԱՄՆ նորընտիր նախագահ Դոնալդ Թրամփի երդմնակալության արարողությանը, քանի որ նրան չեն հրավիրել։ Մինչդեռ, ըստ մամուլում շրջանառվող լուրերի, նա փորձում է հանդիպում կազմակերպել հանրապետական գործչի հետ՝ նախքան նախագահի պաշտոնը ստանձնելը։
«Նախագահ ֆոն դեր Լեյենը չի ծրագրում մասնակցել Թրամփի երդմնակալությանը։ Եթե հրավեր լինի, կտեսնենք»,- ասել է Եվրահանձնաժողովի խոսնակ Պաուլա Պինյոն Բրյուսելում կայացած ճեպազրույցում։
Bloomberg-ը, վկայակոչելով երկու աղբյուրների, հայտնում է, որ Ուրսուլա ֆոն դեր Լեյենի ներկայացուցիչները շփվել են Դոնալդ Թրամփի օգնականների հետ՝ կապված ԵՀ ղեկավարի՝ Ֆլորիդայում գտնվող նրա կալվածք մինչև հունվարի 20-ը այցի հետ։ Դեռևս պարզ չէ՝ արդյո՞ք հնարավոր կլինի հանդիպում կազմակերպել, ասել են գործակալության աղբյուրները։
Միաժամանակ, Ուրսուլա ֆոն դեր Լեյենն արդեն մի քանի օր է, ինչ ապաքինվում է թոքաբորբից։
Դոնալդ Թրամփի երդմնակալությանը հրավիրված առաջին առաջնորդներից էր Չինաստանի ղեկավար Սի Ցզինպինը, թեև ընդունված չէ օտարերկրյա առաջնորդներին հրավիրել ԱՄՆ նախագահի երդմնակալության արարողությանը։
Լրատվամիջոցները հայտնում են, որ հրավիրյալների թվում են նաև Սալվադորի նախագահ Նայիբ Բուկելեն, Իտալիայի վարչապետ Ջորջիո Մելոնին և Արգենտինայի նախագահ Խավիեր Միլեյը:
Թարգմանությունը՝ Տաթև Ֆռանգյանի
