17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
2024 թվականը եղել է ռեկորդային տաք տարի․ համաշխարհային միջին ջերմաստիճանն առաջին անգամ բարձրացել է ավելի քան 1,5 աստիճանով
Քաղաքականություն
10.01.2025 | 16:10
2024 թվականը եղել է երբևէ գրանցված ամենատաք տարին և առաջին օրացուցային տարին, երբ գլոբալ միջին ջերմաստիճանը, 1850-1900 թվականների նախաարդյունաբերական ժամանակաշրջանի մակարդակների համեմատ, աճել է ավելի քան 1,5 աստիճանով: Այս մասին գրում է BBC News-ը՝ հղում անելով Կլիմայի փոփոխության մոնիթորինգային եվրոպական ծառայությանը՝ Copernicus-ին։
Միջին գլոբալ ջերմաստիճանը 2024 թվականի վերջին գերազանցել է 2023 թվականի ցուցանիշը, երբ այն աճել է 1,48 աստիճանով։ 2024 թվականին այս ցուցանիշը 1,6 աստիճան էր։
Այսպիսով, ըստ կլիմայագետների, վերջին տասնամյակը դարձել է ամենատաքը դիտարկումների ամբողջ պատմության մեջ։
Մեծ Բրիտանիայի օդերևութաբանական գրասենյակը, ՆԱՍԱ-ն և կլիմայի այլ հետազոտողներ իրենց տվյալները կհրապարակեն ավելի ուշ, բայց ակնկալվում է, որ նրանք նույնպես կհայտարարեն 2024 թվականը որպես ռեկորդային տաք տարի:
Փորձագետների կարծիքով՝ անցյալ տարվա ջերմաստիճանի բարձրացումը պայմանավորված էր մարդու գործունեության, ինչպես նաև բնական եղանակային պայմանների լրացուցիչ ներդրմամբ, ինչպիսին Էլ Նինյոն է:
Կլիմայի վերաբերյալ Փարիզի համաձայնագիրը, որն ընդունվել է աշխարհի երկրների կողմից 2015 թվականին՝ կլիմայի փոփոխության դեմ պայքարելու համար, մասնակիցներին պարտավորեցրել է կանխել միջին գլոբալ ջերմաստիճանի բարձրացումն ավելի քան 1,5 աստիճանով՝ նախաարդյունաբերական ժամանակաշրջանի մակարդակի համեմատ:
Թարգմանությունը՝ Տաթև Ֆռանգյանի
