10.01.2025 | 20:13
Նիկոլաս Մադուրոն երրորդ անգամ ստանձնել է Վենեսուելայի նախագահի պաշտոնը
Կալիֆորնիայի անտառային հրդեհների հասցրած վնասը կարող է 150 միլիարդ դոլարի հասնել
Քաղաքականություն
10.01.2025 | 12:56
Կալիֆորնիայի անտառային հրդեհների վնասի գնահատված արժեքը հասել է 135-150 միլիարդ դոլարի, նշել է AccuWeather-ի ներկայացուցիչ Բիլ Վայդելը։
«AccuWeather-ը մեծացրել է Հարավային Կալիֆորնիայի անտառային հրդեհների ընդհանուր վնասի և տնտեսական կորուստների իր նախնական գնահատականը մինչև ապշեցուցիչ՝ 135-150 միլիարդ դոլարի»,- գրել է Վայդելը X-ի իր էջում:
Նա հավելել է, որ օդերևութաբանները կանխատեսում են ուժեղ քամիներ, որոնց հետևանքով հաջորդ շաբաթ տարածաշրջանում բարձր կլինի հրդեհների վտանգը։
Լոս Անջելեսի շրջանը տասնյակ հազարավոր բնակիչների համար պարտադիր տարհանման հրաման է տվել։ Վարչական շրջանի հրշեջ ծառայության պետը խոստովանել է, որ ռեսուրսները սահմանափակ են եղել և նախատեսված են եղել մեկ կամ երկու խոշոր հրդեհների դեմ պայքարելու համար:
Իրավիճակը բարդացնում է ուժեղ քամին, որի պատճառով ժամանակավորապես դադարեցվել է ավիացիայի աշխատանքը, իսկ Փելիսեյդսի տարածքում չեն աշխատել հրդեհային հիդրանտները:
Արդեն հաղորդվել է հրդեհի հետևանքով 10 զոհվածի մասին։
Թարգմանությունը՝ Տաթև Ֆռանգյանի
