11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԵՄ Խորհրդի նոր նախագահը հեռախոսազրույց է ունեցել Ալիևի հետ
Քաղաքականություն
09.01.2025 | 20:41
Եվրոպական խորհրդի նոր նախագահ Անտոնիո Կոշտան հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին Կոշտան հայտնել է X-ի իր միկրոբլոգում գրառմամբ։
«Ադրբեջանի նախագահ Իլհամ Ալիևի հետ հեռախոսազրույցում հայտնեցի ԵՄ-ի սրտանց ցավակցությունը զոհերի ընտանիքներին, ադրբեջանական ժողովրդին և կառավարությանը՝ AZAL 8243 չվերթի ողբերգական կործանման կապակցությամբ։ ԵՄ-ն աջակցում է վթարի անաչառ և թափանցիկ հետաքննությանը»,- ասվում է գրառման մեջ։
Քննարկվել են նաև ԵՄ-Ադրբեջան հարաբերությունների ընդլայնման հնարավորությունները։
«Ակնկալում ենք շուտով հանդիպել նախագահ Ալիևին՝ շարունակելու մեր համագործակցության ամրապնդումը»,- նշել է Եվրոպական խորհրդի նախագահը։
Հիշեցնենք, որ Կոշտայից առաջ այս պաշտոնը զբաղեցնում էր Շառլ Միշելը։
Թարգմանությունը՝ Էմմա Չոբանյանի
