18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Ուկրաինայի հարցով ԱՄՆ հատուկ ներկայացուցիչը հայտարարել է 100 օրում պատերազմը դադարեցնելու պլանների մասին
Քաղաքականություն
09.01.2025 | 13:27
Քիթ Քելլոգը, որը Դոնալդ Թրամփի երդմնակալությունից հետո կդառնա Ուկրաինայի հարցերով ԱՄՆ հատուկ ներկայացուցիչը, ցանկանում է 100 օրվա ընթացքում ուկրաինական պատերազմն ավարտելու լուծում գտնել, գրում է Current Time-ը։
Քելլոգը սատարել է Ջո Բայդենին ուղղված ԱՄՆ նորընտիր նախագահի քննադատությանը։ Ապագա հատուկ ներկայացուցչի խոսքով՝ Բայդենի գլխավոր սխալն այն է, որ նա երբեք չի խոսել ՌԴ նախագահ Վլադիմիր Պուտինի հետ շուրջ երեք տարի տևող լայնածավալ պատերազմի ընթացքում։
«Նախագահը [Թրամփը] անում է մի հիանալի բան՝ նա խոսում է և՛ իր հակառակորդների, և՛ դաշնակիցների հետ: Նա գիտի, որ դա հեշտ չէ, բայց նա իսկապես գիտի, որ պետք է խոսել մարդկանց հետ՝ վերջնական արդյունքի հասնելու համար։ Հենց դա էլ նա պատրաստվում է անել»,- ընդգծել է Քելլոգը:
Նա նաև պարզաբանել է, որ ամերիկացի պաշտոնյաները կստեղծեն «անհրաժեշտ պայմաններ», որպեսզի Թրամփը կարողանա զրուցել ինչպես Պուտինի, այնպես էլ Ուկրաինայի նախագահ Վլադիմիր Զելենսկիի հետ։
«Կարծում եմ՝ առաջիկայում կգանք ընդունելի հանգուցալուծման։ Երբ ասում եմ՝ մոտ ապագայում, կուզենայի անձնական մակարդակով նպատակ դնել, պրոֆեսիոնալ մակարդակով, կասեի՝ 100 օր դնենք և առաջ շարժվենք»,- հայտարարել է Քելլոգը։
Թարգմանությունը՝ Տաթև Ֆռանգյանի
