09.01.2025 | 20:19
Փաշինյանը շնորհավորել է Ժոզեֆ Աունին Լիբանանի նախագահի պաշտոնում ընտրվելու կապակցությամբ
Կանադան մերժել է ԱՄՆ-ի հետ միավորվելու՝ Թրամփի առաջարկը
Քաղաքականություն
08.01.2025 | 14:04
Կանադայի իշխանությունները կտրականապես մերժել են ԱՄՆ նորընտիր նախագահ Դոնալդ Թրամփի առաջարկը՝ երկիրը ԱՄՆ-ի կազմում ընդգրկելու վերաբերյալ։
«Նորընտիր նախագահ Թրամփի մեկնաբանությունները ցույց են տալիս, որ չի հասկանում, թե ինչն է Կանադան դարձնում ուժեղ երկիր: Մեր տնտեսությունն ուժեղ է: Մեր ժողովուրդն ուժեղ է: Մենք երբեք չենք նահանջելու սպառնալիքների առջև»,- գրել է Կանադայի արտաքին գործերի նախարար Մելանի Ջոլին սոցցանցի իր էջում:
«Չկա որևէ շանս, որ Կանադան կդառնա Միացյալ Նահանգների մաս: Մեր երկու երկրների աշխատողներն ու համայնքները շահում են միմյանց ամենամեծ առևտրային և անվտանգային գործընկերները լինելուց»,- իր հերթին X-ում գրել է վարչապետ Ջասթին Թրյուդոն, որն ավելի վաղ հայտարարել էր առաջիկայում հրաժարական տալու մասին:
Թրամփը հունվարի 6-ին Truth Social-ում գրել էր, որ «եթե Կանադան միավորվի ԱՄՆ-ի հետ», երկու երկրներն էլ կշահեն:
Թարգմանությունը՝ Տաթև Ֆռանգյանի
