16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ՆԱՏՕ-ն մոտ տասը նավ կուղարկի Բալթիկ ծով
Քաղաքականություն
07.01.2025 | 23:07
ՆԱՏՕ-ն մոտ տասը նավ կուղարկի Բալթիկ ծով՝ ստորջրյա ենթակառուցվածքները պաշտպանելու համար, հայտնում է ֆիննական Yle հեռուստաալիքը՝ հղում անելով իր աղբյուրներին։
«ՆԱՏՕ-ն ռազմածովային ուժեր կուղարկի Բալթիկ ծով՝ պաշտպանելու ստորջրյա կարևոր կառույցները: Ընդհանուր առմամբ` մոտ տասը նավ։ Դրանք ծովում կմնան մինչև ապրիլ»,- ասվում է հոդվածում։
Ըստ Yle-ի՝ նավերը կսկսեն ժամանել շաբաթվա վերջին։ Դրանք կտեղակայվեն, օրինակ, էներգետիկ և հեռահաղորդակցության մալուխների մոտ և կդառնան զսպող գործոն, գրում է պարբերականը։
Ֆինլանդիայի և Էստոնիայի միջև EstLink 2 էլեկտրահաղորդման գիծը խափանվել է դեկտեմբերի 25-ին: Ֆինլանդիայի ոստիկանությունը կասկածում է, որ Կուկի կղզիների դրոշի ներքո նավարկող Eagle S-ն օգտագործել է իր խարիսխը EstLink 2 հոսանքի մալուխը կտրելու համար և վնասել է կապի չորս մալուխ: Ֆինլանդիայի մաքսային մարմինները հաղորդում են, որ Eagle S նավը ներգրավված է ռուսական էներգառեսուրսների փոխադրման գործում։
Թարգմանությունը՝ Տաթև Ֆռանգյանի
