22.06.2026 | 11:45
«Տելեկոմ Արմենիա»-ն և «AzerTelecom»-ը համաձայնագիր են ստորագրել ինտերնետ թրաֆիկի տարանցման վերաբերյալ
Էրդողանը հայտարարել է, որ Թուրքիան 2000 կմ հեռահարությամբ բալիստիկ հրթիռ է մշակում
Քաղաքականություն
07.01.2025 | 19:13
Թուրքիայի նախագահ Ռեջեփ Թայիփ Էրդողանը հայտարարել է, որ երկիրը նոր բալիստիկ հրթիռային համակարգեր է մշակում, գրում են թուրքական լրատվամիջոցները։
«Մեր ներդրումները պաշտպանական արդյունաբերության ոլորտում ոչ թե պատերազմի նախապատրաստվելու, այլ խաղաղության, անկախության, ապագայի և անկախության պահպանման ու պաշտպանության համար են»,- ասել է Էրդողանը։
Նա նշել է, որ Թուրքիան գտնվում է երեք մայրցամաքների սրտում՝ ռազմավարական բարձր կարևորություն ունեցող տարածաշրջանում։
«Այս աշխարհագրությունում սեղանի շուրջ ձեր ուժը կախված է դաստակի ուժից։ Այստեղ լինելը բավական չէ։ Իրավունքները պաշտպանելու համար դուք նույնպես պետք է ուժեղ լինեք»,- ասել է Թուրքիայի նախագահը։։
Անդրադառնալով բալիստիկ հրթիռների շարունակվող նախագծերին՝ Էրդողանը հայտարարել է․ «Մենք որոշեցինք և՛ ուժեղացնել 800 կիլոմետր ու ավելի հեռահարությամբ հրթիռների մեր պաշարը, և՛ արագացնել 2 հազար կիլոմետր ու ավելի հեռահարությամբ հրթիռների մշակման մեր ծրագիրը։ Անցյալ տարի մենք շահագործման հանձնեցինք, առաջ մղեցինք բազմաթիվ պաշտպանական նախագծեր, որոնք այստեղ թվարկելու համար ժամեր կպահանջվեն: Հուսանք՝ 2025-ին մենք նորերը կավելացնենք դրանց ցանկին»։
Թարգմանությունը՝ Էմմա Չոբանյանի
