08.01.2025 | 23:43
Հրդեհ Վանթյան փողոցի տներից մեկում. դեպքի վայր է մեկնել չորս մարտական հաշվարկ
Մոտակա ամիսներին կփակվեն Կադաստրի կոմիտեի՝ Սյունիքի և Շիրակի մարզային ստորաբաժանումները․ Թովմասյան․ ՏԵՍԱՆՅՈՒԹ
07.01.2025 | 12:45
ՀՀ Կադաստրի կոմիտեի՝ 2024-ի համար նախատեսված 13 միջոցառումներից գրեթե բոլորը միտված են եղել կոմիտեում գործառույթների թվայնացմանը և ավելի արդյունավետ գործառույթների իրականացմանը, այս մասին ամփոփիչ մամուլի ասուլիսի ժամանակ հայտնեց Կադաստրի կոմիտեի նախագահ Սուրեն Թովմասյանը:
Նրա տեղեկացմամբ՝ կոմիտեի բյուջեի կատարողականը 2024-ի համար կազմել է շուրջ 96,2 %, հատկացված միջոցներից 77 %-ը կազմել է աշխատավարձային ֆոնդը, իսկ մնացած 23%-ն ուղղվել է կադաստրի կոմիտեի զարգացման ծրագրերին և նոր համակարգերի ներդրմանը։
Կադաստարի կոմիտեի ղեկավարի խոսքով՝ 2024-ը ծառայությունների մատուցման տեսանկյունից եղել է աննախադեպ, պետական բյուջե է հավաքագրվել 8,7 մլրդ դրամից ավելի գումար։
«Վարչապետի որոշմամբ արդեն ունեինք տարածքային չորս ստորաբաժանումներ, մենք որոշումով վերամիավորում ենք այդ ստորաբաժանումները՝ համապատասխանաբար թողնելով մեկ գրանցման միասնական ստորաբաժանում: Լոռու, Շիրակի, Սյունիքի մարզային ստորաբաժանումները փակվելու են և գրանցման միասնական ստորաբաժանումն է իրականացնելու այդ գործառույթները։ Լոռու մարզային ստորաբաժանումն արդեն փակված է, Սյունիքի և Շիրակի մարզային ստորաբաժանումները կփակվեն արդեն մոտակա մի քանի ամիսների ընթացքում։ Սյունիքում, Շիրակում, Լոռիում նաև ստեղծվել են խորհրդատվական երեք կենտրոններ, որոնք իրենց մեջ ներառում են այդ մարզերում գործող գրասենյակները»,- մանրամասնեց Թովմասյանը։
Մանրամասները՝ տեսանյութում։
