Քաղաքականություն
06.01.2025 | 18:20
Այսօր՝ հունվարի 6-ին, Ֆրանսիայի նախագահ Էմանուել Մակրոնը հանդիպել է Ֆրանսիայում հավատարմագրված դեսպանների հետ ու, ի թիվս այլ հարցերի, խոսել է Ուկրանիայում ընթացող պատերազմից․ գրում է Le monde-ը։
Էմանուել Մակրոնը նախ ասել է, որ ուկրաինացիները պետք է «իրատեսական քննարկումներ անցկացնեն տարածքային հարցերի շուրջ», ապա նախազգուշացրել է, որ Ուկրաինայում «արագ և հեշտ լուծում չի լինի»,
«Ուկրաինայում արագ և հեշտ լուծում չի լինի, մինչդեռ Միացյալ Նահանգների նորընտիր նախագահ Դոնալդ Թրամփը խոստացել էր արագ կարգավորում»,- ասել է Մակրոնը՝ հակադարձելով Թրամփի ավելի վաղ արված հայտարարությանը։
«Ամերիկայի նոր նախագահը գիտի, որ ԱՄՆ-ն որևէ բան շահելու շանս չունի, եթե Ուկրաինան պարտվի, և Ուկրաինայի կապիտուլյացիան չի կարող լավ լինել եվրոպացիների ու ամերիկացիների համար», – ասել է Ֆրանսիայի նախագահը։
Նա նշել է, որ արևմտյան երկրների «վստահությունը կվնասվի», եթե նրանք համաձայնեն «փոխզիջման»՝ հակամարտությունից «հոգնածության» պատճառով։
Թարգմանությունը՝ Անահիտ Խաչատրյանի
