30.04.2026 | 12:00
ՀՀ-ում լրագրողները հաճախ ենթարկվում են ճնշման. Factor TV-ն մի շարք կայքերի հետ կատարում է անկախ վերահսկողի դեր. RSF
Մինչև 2050 թվականը 40 մլն մարդ կմահանա հակաբիոտիկների նկատմամբ կայունության հետևանքով. The Guardian
Քաղաքականություն
06.01.2025 | 19:17
Մոտ 40 մլն մարդ մինչև 2050 թվականը կարող է դառնալ հակաբիոտիկների նկատմամբ կայունության զոհ: Այս մասին գրում է բրիտանական The Guardian թերթը՝ վկայակոչելով Անգլիայի նախկին գլխավոր բժիշկ Սալի Դևիսի կանխատեսումը։
Մասնագետի խոսքով՝ ամեն տարի մոտ 1 մլն մարդ է մահանում հակամանրէային դեղամիջոցների նկատմամբ կայունության պատճառով։ Ըստ Դևիսի՝ այս թվերը կաճեն առաջիկա 25 տարիների ընթացքում։
Նա ավելացրել է, որ սուպերբակտերիաները, որոնք կայուն են հակաբիոտիկների նկատմամբ, գնալով ավելի քիչ են արձագանքում դեղորայքին:
Փորձագետը նշել է, որ վերջին 35 տարիների ընթացքում 70 տարեկանից բարձր մարդկանց մահացության մակարդակն աճել է 80%-ով, քանի որ բնակչության ծերացման խնդիրը կապված է քրոնիկական հիվանդություններով տառապող և նոր տեսակի բակտերիաների նկատմամբ խոցելի մարդկանց թվի աճի հետ։
Թարգմանությունը՝ Տաթև Ֆռանգյանի
