30.04.2026 | 12:58
CENTCOM-ի հրամանատարը Թրամփին կտեղեկացնի Իրանի դեմ նոր ռազմական տարբերակների մասին. Axios
Հարավային Կորեայի ոստիկանությունը հրաժարվել է ստանձնել նախագահին ձերբակալելու պատասխանատվությունը․ Yonhap
Քաղաքականություն
06.01.2025 | 16:59
Հարավային Կորեայի ոստիկանությունը հրաժարվել է ինքնուրույն կատարել նախագահ Յուն Սոկ Յոլի ձերբակալման հրամանը խռովության գործով, որը պատվիրակվել է նրանց հակակոռուպցիոն հետաքննության գրասենյակի կողմից, հայտնում է Yonhap News գործակալությունը։
Ոստիկանության հատուկ քննչական խմբի պետի տեղակալը հայտարարել է, որ ծանուցման իրավական ուսումնասիրությունից հետո հայտնաբերվել են վիճելի իրավական ասպեկտներ։ Ոստիկանությունը որոշել է շարունակել խորհրդակցությունը վարչության հետ՝ փաստացիորեն հրաժարվելով օրդերի կատարումից:
Հունվարի 6-ի գիշերը Հակակոռուպցիոն քննչական վարչությունը հրամանագիրն իրագործելու իրավունքը փոխանցել է ոստիկանությանը։ Փաստաթղթի ժամկետը լրանում է հունվարի 6-ին, և գերատեսչությունը մտադիր է հայց ներկայացնել դատարան՝ այն երկարացնելու համար։
Յուն Սոկ Յոլը մեղադրվում է ապստամբության և իշխանության չարաշահման մեջ՝ 2024 թվականի դեկտեմբերի սկզբին ռազմական դրություն հայտարարելու և խորհրդարան զորքեր ուղարկելու համար։ Ավելի ուշ նախագահը համաձայնել է չեղարկել որոշումը, սակայն չի ընդունում բոլոր մեղադրանքները:
Թարգմանությունը՝ Տաթև Ֆռանգյանի
