08.08.2026 | 10:54
Գազամատակարարման դադարեցումներ՝ Վանաձոր և Մասիս քաղաքների մի շարք հասցեներում, Կուրթան բնակավայրում
ԱԱԾ-ն չպետք է երբևիցե խառնվի ընտրական պրոցեսների մեջ․ Արթուր Վանեցյան․ ՏԵՍԱՆՅՈՒԹ
Քաղաքականություն
23.09.2018 | 12:34
Երևանի ավագանու այս ընտրությունները տարբերվելու են նախորդներից նրանով, որ այն արտահայտելու է ժողովրդի կամքը և ժողովրդի տված քվեով ընտրվելու է Երևանի քաղաքապետ։ Այս մասին այսօր 4/35 ընտրատեղամասում լրագրողների հետ զրույցում ասաց ընտրության եկած ԱԱԾ տնօրեն Արթուր Վանեցյանը։
Անդրադառնալով ԲՀԿ քաղաքապետի թեկնածու Նաիրա Զոհրաբյանի հայտարարությանը, ըստ որի, ԱԱԾ-ն ունի լիազորություն գաղտնալսելու և կարող է տեղեկանալ, թե ովքեր են զանգահարում և հայտնում ընտրակաշառքի բաժանման մասին, Արթուր Վանեցյանն ասաց․ «ԱԱԾ-ն չպետք է բարձրաձայնի իր կատարած աշխատանքների մասին, ցանկացած աշխատանք, որը պետք է կատարվի մարդկանց օրենքի շրջանակում պատասխանատվության ենթարկելու համար, հավատացեք, մենք դա կանենք՝ առանց նշանակություն տալու պատասխանատվության ենթարկվողներն այս կամ այն թեկնածուի կողնակցիներն են, թե ոչ»։
Արթուր Վանեցյանը նաև նշեց, որ ԱԱԾ-ն չպետք է երբևիցե խառնվի ընտրական պրոցեսների մեջ, և եթե ոստիկանությունն աշխատում է, իրենք չպետք է միջամտեն։
Մանրամասները՝ տեսանյութում։
