30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Լաս Վեգասի Trump հյուրանոցի մոտ պայթել է վառելիքով և հրավառության նյութերով բեռնված Tesla Cybertruck
Քաղաքականություն
02.01.2025 | 11:33
Վառելիքի տարաներով և հրավառությամբ բեռնված Tesla Cybertruck-ը պայթել է Լաս Վեգասում հյուրանոցի մուտքի մոտ, որը գործում է ԱՄՆ նորընտիր նախագահ Դոնալդ Թրամփին պատկանող ապրանքանիշի ներքո։ Ոստիկանությունը դեռևս չի պարզել՝ արդյոք տեղի ունեցածը հարձակում էր Թրամփի կամ նրա դաշնակցի՝ Tesla-ի սեփականատեր Իլոն Մասկի դեմ, գրում է BBC-ի ռուսական ծառայությունը:
Ոստիկանությունը հայտնում է, որ մեքենան առավոտյան ժամը 08:40-ի սահմաններում կանգ է առել Trump հյուրանոցի ապակե դռների առաջ, սկսել է ծուխ արձակել, այնուհետև պայթել է:
Մեքենայի վարորդը մահացել է, ևս 7 հոգի թեթև վնասվածքներ են ստացել։
Չորեքշաբթի կեսօրին մամուլի ասուլիսում Լաս Վեգասի ոստիկանական բաժանմունքի շերիֆ Քևին Մաքմահիլը հրապարակել է պայթյունի տեսանյութը։
CNN-ի փոխանցմամբ՝ քննիչները կարծում են, որ բենզինի տարաները, հրավառությունը և վառելիքի տարաները կցված են եղել պայթուցիչների հետ, որոնք խցիկից պայթեցրել է մահացած վարորդը։
Շերիֆ Մաքմահիլն ասել է, որ ոստիկանությունը հետաքննում է, թե արդյոք միջադեպը կապված է Նոր Օռլեանի զանգվածային հրաձգության հետ:
Բացի այդ, ինչպես հայտարարել է Մաքմահիլը, հետաքննությունը պետք է պարզի, թե հյուրանոցի մոտի գործողություններն արդյո՞ք ուղղված են եղել Թրամփի կամ Մասկի դեմ։
«Կան բազմաթիվ հարցեր, որոնց պատասխանը պետք է տրվի»,- ասել է շերիֆը:
Հետաքննությանը ոստիկանության հետ միասին մասնակցում է ՀԴԲ-ն։
Թարգմանությունը՝ Տաթև Ֆռանգյանի
