15.12.2025 | 10:48
«Ինտերը»՝ Իտալիայի Ա սերիայի առաջատար․ ՏԵՍԱՆՅՈՒԹ
Բաքու-Գրոզնի չվերթի դիսպետչերը մանրամասներ է պատմել ավիաաղետից
Քաղաքականություն
30.12.2024 | 15:17
Ադրբեջանական օդանավն ուղղորդող դիսպետչերը «Թերեք» ֆուտբոլային ակումբի (այժմ՝ Ախմատ) նախկին ֆուտբոլիստ Ալի Իդրիսովն է եղել։ Այս մասին գրում են ադրբեջանական լրատվամիջոցները՝ վկայակոչելով ռուսական տելեգրամյան ալիքներին, որոնք «Ադրբեջանական ավիաուղիների» (AZAL) Embraer E-190 ինքնաթիռի կործանման մանրամասներ են ներկայացրել։
Նա երեկ երեկոյան հարցաքննվել է։ Իդրիսովը վստահեցրել է, որ օդանավը վայրէջքի պահին չի իմացել հակաօդային պաշտպանության համակարգի աշխատանքի մասին, իսկ «Գորգ» (փակ երկնքի ռեժիմ) պլանի մասին տեղեկություն է ստացել արտակարգ դեպքից հինգ րոպե անց։ Իդրիսովը պնդում է, որ պատկերացում չի ունեցել անօդաչու թռչող սարքերի հարձակման և ՀՕՊ-ի աշխատանքի մասին։ Միջադեպը մինչև վերջ համարել է թռչունների երամի հետ բախում՝ օդանավի անձնակազմի զեկույցի հիման վրա։
AZAL-ին պատկանող օդանավի վթարի հետաքննության շրջանակում, բացի դիսպետչեր Ալի Իդրիսովից, երեկ երեկոյան հարցաքննվել է Գրոզնիի օդանավակայանի թռիչքների տնօրեն Ջամլայիլ Բականաևը։
Իր նախնական ցուցմունքում նա ասել է, որ վստահ է եղել՝ բոլոր համակարգերը գործում են և ստուգվել են իր կողմից՝ իր ծառայողական պարտականությունների շրջանակում: Որպես թռիչքի տնօրեն՝ նա այդ պահին խոչընդոտ չի տեսել Բաքու-Գրոզնի չվերթի վայրէջքի համար։ Բականաևը հաստատել է նաև, որ «Գորգ» պլանի մասին տեղեկություն է ստացվել դեպքից հետո։
Թարգմանությունը՝ Էմմա Չոբանյանի
