30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Ռուսաստանին և Ադրբեջանին թույլ չեն տա մասնակցել ինքնաթիռի կործանման քրեագիտական հետաքննությանը
Քաղաքականություն
26.12.2024 | 23:16
Ղազախստանը Ռուսաստանի և Ադրբեջանի իրավապահ մարմիններին թույլ չի տա մասնակցել Ակտաու քաղաքի մերձակայքում ադրբեջանական ավիաուղիների ինքնաթիռի կործանման քրեագիտական հետաքննությանը: «Արմենպրես»-ի փոխանցմամբ՝ այս մասին հայտնել է Ղազախստանի փոխվարչապետ Կանատ Բոզումբաևը:
«Ռուսաստանի և Ադրբեջանի իրավապահ մարմիններին թույլ չի տրվի մասնակցել քրեագիտական հետաքննությանը (Ղազախստանի քրեական դատավարության օրենսգրքի համաձայն), սակայն կթույլատրվի հետաքննել ինքնաթիռի վթարը»,–ասել է փոխվարչապետը: Ադրբեջանական ավիաուղիների Embraer 190 ուղևորատար ինքնաթիռը, որն իրականացնում էր Բաքու-Գրոզնի չվերթը, դեկտեմբերի 25-ին կործանվել է Ղազախստանի Ակտաուի օդանավակայանի մերձակայքում։ Ինքնաթիռում եղել է 62 ուղևոր և անձնակազմի 5 անդամ։ 38 մարդ զոհվել է, 29 մարդ՝ ողջ մնացել։
