20.02.2026 | 14:14
Պուտինը ՌԴ ԱԳ փոխնախարարին Թուրքիայում դեսպան է նշանակել
Իրանը դիտորդի կարգավիճակ է ստացել ԵՏՄ-ում
Քաղաքականություն
26.12.2024 | 19:44
ԵՏՄ երկրների ղեկավարները Եվրասիական տնտեսական բարձրագույն խորհրդի նիստում որոշել են Իրանին միությունում դիտորդ պետության կարգավիճակ շնորհել, փոխանցում է Ինտերֆաքսը։
«Հանդիպման ընթացքում ԵՏՄ երկրների ղեկավարները որոշել են Իրանին շնորհել ԵՏՄ դիտորդ պետության կարգավիճակ՝ իրանական հեռանկարային շուկայի հետ կապերն ամրապնդելու նպատակով»,- ասել է ՌԴ տնտեսական զարգացման նախարար Մաքսիմ Ռեշոտնիկովը։
Այսպիսով, ԵՏՄ-ում դիտորդ երկրների թիվը հասցվել է երեքի։ Նախկինում այս կարգավիճակը ստացել էին Ուզբեկստանն ու Կուբան։
Դիտորդի կարգավիճակը թույլ է տալիս հրավերով մասնակցել ԵՏՄ մարմինների նիստերին՝ առանց որոշումների կայացմանը մասնակցելու և ոչ գաղտնի փաստաթղթեր ստանալու իրավունքի։
ԵՏՄ-ի լիիրավ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։
Այսօր ավելի վաղ Եվրասիական տնտեսական հանձնաժողովը հայտնել էր, որ ԵՏՄ երկրների և Իրանի միջև ապրանքաշրջանառությունը 2024 թվականի առաջին 10 ամիսներին աճել է 12,8%-ով, իսկ Իրան ապրանքների արտահանումն աճել է 16%-ով, իսկ ներմուծումը` 8%-ով։
Թարգմանությունը՝ Տաթև Ֆռանգյանի
