30.04.2026 | 18:19
ԱԺ հանձնաժողովը դրական եզրակացություն է տվել Արտաքին հետախուզության ծառայության մասին օրենքում փոփոխությունների նախագծին
Լավրովը խոսել է Ուկրաինայում հրադադարի մասին
Քաղաքականություն
26.12.2024 | 13:29
Ուկրաինայում հրադադարը ոչ մի տեղ տանող ճանապարհ է, Մոսկվան չի բավարարվի կարգավորման մասին դատարկ խոսակցություններով։ ՌԻԱ Նովոստիի փոխանցմամբ՝ այս մասին հայտարարել է ՌԴ արտգործնախարար Սերգեյ Լավրովը։
«Մենք չենք կարող բավարարվել դատարկ խոսակցություններով: Մինչ այժմ մենք միայն խոսում ենք ինչ-որ հրադադարի անհրաժեշտության մասին։ Հրադադարը ճանապարհ է դեպի ոչ մի տեղ, մեզ անհրաժեշտ են վերջնական իրավական համաձայնագրեր, որոնք կարձանագրեն բոլոր պայմանները Ռուսաստանի Դաշնության անվտանգության և մեր հարևանների օրինական անվտանգության շահերի ապահովման համար, բայց այն համատեքստում, որը միջազգային իրավական ձևով կապահովի այդ համաձայնագրերի խախտման անհնարինությունը»,- ասել է Լավրովը ռուսական և արտասահմանյան լրատվամիջոցներին տված հարցազրույցում։
Նրա խոսքով՝ ոչ ոք առանձնապես չի թաքցնում, որ «հրադադար է անհրաժեշտ, որպեսզի ժամանակ ապահովվի Կիևին զենք մատակարարելու համար»։
Թարգմանությունը՝ Տաթև Ֆռանգյանի
