14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Գիտակցաբար ընտրել են Սուրբ Ծնունդը․ Զելենսկին մեկնաբանել է Ուկրաինայի վրա նոր զանգվածային հարձակումը
Քաղաքականություն
25.12.2024 | 16:11
Ռուսաստանի յուրաքանչյուր զանգվածային հարված պատրաստվելու համար ժամանակ է պահանջում։ Այն երբեք ինքնաբուխ որոշում չէ: Այն ոչ միայն թիրախների, այլև ժամանակի և ամսաթվի գիտակցված ընտրություն է, Telegram-ում գրել է Ուկրաինայի նախագահ Վլադիմիր Զելենսկին, փոխանցում է BBC-ի ռուսական ծառայությունը։
Նրա կարծիքով՝ ՌԴ նախագահ Վլադիմիր Պուտինը «միտումնավոր է ընտրել Սուրբ Ծնունդը հարձակվելու համար»։
«Ի՞նչը կարող է լինել ավելի անմարդկային: Ավելի քան 70 հրթիռ, այդ թվում՝ բալիստիկ, և հարյուրից ավելի հարձակողական անօդաչու թռչող սարք։ Թիրախում մեր էներգետիկ համակարգն է։ Նրանք շարունակում են պայքարել Ուկրաինայում բլեքաութի համար»,- հայտարարել է Զելենսկին։
Նրա խոսքով՝ իրենց հաջողվել է խոցել ավելի քան 50 հրթիռ և «անօդաչու թռչող սարքերի զգալի մասը»։
«Ցավոք, հարվածներ էլ կան։ Մի քանի մարզերում հոսանքազրկումներ են»,- հավելել է նա։
Թարգմանությունը՝ Տաթև Ֆռանգյանի
