14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինայում էլեկտրաէներգիայի կանխարգելիչ անջատումներ են՝ ռուսական կողմի զանգվածային հրթիռային հարվածի պատճառով
Քաղաքականություն
25.12.2024 | 13:26
Ուկրաինայում ռուսական բանակի զանգվածային հրթիռային հարվածի պատճառով էլեկտրաէներգիայի կանխարգելիչ անջատումներ են սկսվել։ Դեկտեմբերի 25-ի առավոտյան ամբողջ երկրում օդային հարվածի ահազանգ է ստացվել, փոխանցում է Current Time-ը։
«Անջատումների ժամանակացույցին տեղեկացեք ձեր տարածաշրջանային էներգետիկ ընկերությունների կայքից և պաշտոնական էջերից»,- ասվում է «Ուկրէներգո»-ի հայտարարության մեջ:
«Suspilne»-ը գրում է, որ Կիևի որոշ շրջաններ հոսանքազրկվել են։
Ուկրաինայի էներգետիկայի նախարարության ղեկավար Գերման Գալուշչենկոն հայտարարել է էներգետիկ ոլորտի վրա զանգվածային հարձակման մասին։
Սուրբ Ծննդյան գիշերը պայթյուններ են որոտացել Խարկովում և Դնեպրում։ Խարկովի քաղաքապետ Իգոր Տերեխովը նախազգուշացրել է բալիստիկ հարվածի վտանգի մասին և հայտնել, որ քաղաքը զանգվածային հրետակոծության տակ է։ Խարկովի շրջանային վարչակազմի ղեկավար Օլեգ Սինեգուբովը հայտնել է, որ ռուսական ռազմական ուժերն առնվազն յոթ հարված են հասցրել Խարկովին, իսկ քաղաքի մի քանի շրջաններում հրդեհներ են բռնկվել։
Տերեխովը հայտնել է, որ Խարկովի արևելքում գտնվող Սալտովսկի շրջանում երեք տուժած կա, որոնցից երկուսի վիճակը ծանր է։
Ըստ Suspilne-ի՝ պայթյուններ են հնչել նաև Դնեպրոպետրովսկի շրջանի Կրիվոյ Ռոգում։
Թարգմանությունը՝ Տաթև Ֆռանգյանի
