20.02.2026 | 12:49
Չեչեն աղջկա սպանությունից 4 ամիս անց նրան դեռ չեն հուղարկավորել․ դին հողին կհանձնեն ՀՀ-ում
ԱՄՆ-ի և Թուրքիայի ՊՆ ղեկավարները քննարկել են Սիրիայում իրավիճակն ու տարածաշրջանային անվտանգության հարցեր
Քաղաքականություն
25.12.2024 | 12:29
Թուրքիայի պաշտպանության նախարար Յաշար Գյուլերը և ԱՄՆ պաշտպանության քարտուղար Լլոյդ Օսթինը հեռախոսազրույց են ունեցել։ Թուրքիայի ՊՆ փոխանցմամբ՝ զրույցի ընթացքում քննարկվել են երկկողմ հարաբերություններին ու տարածաշրջանային պաշտպանությանն ու անվտանգությանն առնչվող հարցերը, հատկապես՝ Սիրիայում ստեղծված իրավիճակը։
Պենտագոնը նույնպես հաղորդում է սիրիական հարցին անդրադարձը։
«Քարտուղար Օսթինն ընդգծել է, որ սերտ և շարունակական համակարգումը կարևոր է D-ISIS առաքելության շարունակական հաջողության պահպանման համար: Քարտուղարը և նախարար Գյուլերը քննարկել են նաև պայմանների ստեղծման կարևորությունը՝ ավելի ապահով և կայուն Սիրիա ստեղծելու համար»,- ասվում է հաղորդագրության մեջ։
Թարգմանությունը՝ Էմմա Չոբանյանի
