14.07.2026 | 20:30
«Հոգով հարուստ» մարդը․ դատարանը Գագիկ Բեգլարյանի գործով առաջին վճիռն է կայացրել․ ՏԵՍԱՆՅՈՒԹ
Նիկոլ Փաշինյանը մեկնելո՞ւ է Սանկտ Պետերբուրգ․ կառավարության պատասխանը
Քաղաքականություն
24.12.2024 | 17:02
ՀՀ կառավարությունը դեռ չի հստակեցնում՝ արդյոք վարչապետ Նիկոլ Փաշինյանը դեկտեմբերի 26-ին մասնակցելու է Սանկտ Պետերբերգում նախատեսված ԵՏՄ բարձրագույն խորհրդի նիստին։
«Մենք ժամանակին բոլոր այցերի վերաբերյալ տրամադրում ենք պատշաճ տեղեկություն»,- Factor.am-ի հետ զրույցում ասաց վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը։
Ավելի վաղ ՌԴ նախագահի օգնական Յուրի Ուշակովը տեղեկացրել էր, որ Եվրասիական տնտեսական բարձրագույն խորհրդի նիստը ԵՏՄ-ում նախագահող Հայաստանի խնդրանքով տեղի կունենա Ռուսաստանի տարածքում՝ Սանկտ Պետերբուրգում, իսկ նիստը վարելու է Նիկոլ Փաշինյանը։
Դեկտեմբերի 4-ին ԱԺ-Կառավարություն հարցուպատասխանի ժամանակ ընդդիմադիր պատգամավոր Աննա Գրիգորյանը Փաշինյանից հետաքրրքվել էր, թե ինչո՞ւ է որոշվել ԵՏՄ գագաթնաժողովը, որը նախագահում է Հայաստանը, անցկացնել ոչ թե Երևանում, այլ՝ Սանկտ Պետերբուրգում։
Նիկոլ Փաշինյանն էլ հարցին ի պատասխան հայտարարել էր, որ ԵՏՄ բարձրագույն տնտեսական խորհրդի ոչ բոլոր անդամներն են ցանկալի Հայաստանի համար։
«Անձամբ ես աննպատակահարմար եմ համարել միջոցառման անցկացումը Հայաստանում, որովհետև ցավոք Ձեզ հայտնի հանգամանքների բերումով, ԵՏՄ բարձրագույն տնտեսական խորհրդի ոչ բոլոր անդամներն են ցանկալի Հայաստանի համար»,- նշել էր նա։
Մանյա Պողոսյան
