20.02.2026 | 12:49
Չեչեն աղջկա սպանությունից 4 ամիս անց նրան դեռ չեն հուղարկավորել․ դին հողին կհանձնեն ՀՀ-ում
Ալիևը հայտարարել է, որ Ադրբեջանում «արյունալի բախումներ, պատերազմներ, այլ երկրների միջամտություն չկա և չի լինի»
Քաղաքականություն
24.12.2024 | 20:53
Աշխարհում այսօր տեղի ունեցող գործընթացներն ակնհայտ են՝ արյունալի բախումներ, պատերազմներ, հակամարտություններ, որոշ երկրների կոպիտ միջամտություն այլ երկրների գործերին, լարվածության աճ։ 2024 թվականի մարզական արդյունքներին նվիրված արարողության ժամանակ ունեցած ելույթում այս մասին հայտարարել է Ադրբեջանի նախագահ Իլհամ Ալիևը։
«Մենք այս ամենը չենք տեսնում և չենք տեսնի Ադրբեջանում»,- վստահեցրել է Ալիևը։
Նա նշել է, թե «Ադրբեջանը հզոր պետություն է, երկիր, որն ապավինում է իր ուժին, գնում է իր ճանապարհով, պարտավորություններ չունի ոչ մեկի առաջ, գլուխ չի խոնարհում ոչ մեկի առաջ»։
Ադրբեջանի նախագահը հայտարարել է նաև, թե «Ադրբեջանը գրեթե 30 տարի ապրել է կայունության պայմաններում, և վստահ է, որ կշարունակի ապրել հավերժական կայունության պայմաններում»։
Թարգմանությունը՝ Էմմա Չոբանյանի
