Քաղաքականություն
24.12.2024 | 11:39
ԱՄՆ նախագահ Ջո Բայդենը ստորագրել է 2025 ֆինանսական տարվա պաշտպանական բյուջեի մասին օրենքը, որը սկսվել է հոկտեմբերի 1-ին։ Այս մասին հայտնել է Սպիտակ տան մամուլի ծառայությունը։
Այս ոլորտի կարիքների համար հատկացումները կկազմեն 895 մլրդ դոլար: Նախորդ ֆինանսական տարվա ամերիկյան պաշտպանական բյուջեն կազմել է 886,3 մլրդ դոլար։
1800 էջանոց փաստաթուղթը նախատեսում է միջոցների հատկացում հետախուզական ծրագրերի, Պենտագոնի պլանների, էներգետիկայի նախարարության նախագծերի իրականացման համար։
Բացի այդ, Բայդենի ստորագրած ակտը պարունակում է արգելք հանածո վառելիքի ոլորտում Ռուսաստանի հետ համագործակցության և տեղեկատվության փոխանակման համար՝ Ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագրի (START) շրջանակում: Բացառություն կարող է արվել, եթե պաշտպանության նախարարը կամ պետքարտուղարը ծանուցեն օրենսդիրներին, որ Ռուսաստանը տրամադրել է նմանատիպ տեղեկատվություն:
Փաստաթուղթը պարտավորեցնում է հետախուզությանը գնահատել «ԱՄՆ-ի անվտանգությանը սպառնացող ռիսկերը, եթե դադարեցվեն զենքի մատակարարումներն Ուկրաինային և հաջողությամբ ավարտվի ռուսական ռազմական գործողությունը»: Հետախուզությանը հանձնարարվել է վերլուծել Ուկրաինայի Զինված ուժերի մարտունակությունը պահպանելու հնարավորությունները՝ ինչպես ռազմական և տնտեսական աջակցության շարունակման և դադարեցման, այնպես էլ Ռուսաստանի խորքերը հեռահար զենքի հարվածներ հասցնելու որոշման համաձայնությամբ կամ չեղարկումով:
Թարգմանությունը՝ Տաթև Ֆռանգյանի
