11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Դուրովը հայտարարել է, որ դրամայնացման ներդրումից հետո Telegram-ն առաջին անգամ շահութաբեր է դարձել
Քաղաքականություն
23.12.2024 | 20:11
2024 թվականին Telegram Premium բաժանորդների թիվը եռապատկվել է՝ գերազանցելով 12 միլիոնը, իսկ գովազդից եկամուտը «մի քանի անգամ ավելացել է»։ Այս մասին հայտնել է Telegram մեսենջերի հիմնադիր Պավել Դուրովը։
Նրա խոսքով՝ Telegram-ի ընդհանուր եկամուտը 2024 թվականին գերազանցել է միլիարդ դոլարը։ Նա հավելել է, որ ընկերությունը «տարին փակում է ավելի քան 500 միլիոն դոլարի կանխիկ պահուստներով, որում ներառված չեն կրիպտո ակտիվները»:
«Ինչպես կանխատեսել էի՝ 2024 թվականը Telegram-ի համար շատ հաջող տարի ստացվեց։ Դրամայնացման եռամյա պատմության մեջ առաջին անգամ Telegram-ը շահութաբեր է դարձել»,- ասել է Դուրովը։
Նա կարծում է, որ Telegram-ի օրինակը ցույց է տալիս, որ «սոցիալական ցանցերը կարող են հասնել ֆինանսական կայունության՝ մնալով անկախ և հարգելով օգտատերերի իրավունքները»:
Հավելենք, որ վճարովի բաժանորդագրություն (Telegram Premium) մեսենջերում հայտնվել է 2020 թվականի հունիսին։
Թարգմանությունը՝ Տաթև Ֆռանգյանի
