24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
Լուկաշենկոն կրկին պաշտոնապես նախագահական ընտրությունների է գնում
Քաղաքականություն
23.12.2024 | 15:40
Բելառուսի Կենտրոնական ընտրական հանձնաժողովը երկրի գործող ղեկավար Ալեքսանդր Լուկաշենկոյին գրանցել է որպես նախագահի թեկնածու, հայտնում են ԿԸՀ-ից։
Նախընտրական քարոզարշավը տեղի կունենա 2025 թվականի հունվարի 1-ից 25-ը։ Բացի այդ, Կենտրոնական ընտրական հանձնաժողովը որպես նախագահի թեկնածու գրանցել է անհատ ձեռներեց Աննա Կանոպացկայային, Լիբերալ-դեմոկրատական կուսակցության նախագահ Օլեգ Գայդուկևիչին, Կոմկուսի Կենտկոմի առաջին քարտուղար Սերգեյ Սիրանկովին ու Աշխատանքի և արդարության հանրապետական կուսակցություն ղեկավար Ալեքսանդր Խիժնյակին։
Բելառուսում նախագահական ընտրությունները նշանակված են 2025 թվականի հունվարի 26-ին։
Վերջին նախագահական ընտրությունները տեղի են ունեցել 2020 թվականի օգոստոսի 9-ին։ Երկրի ԿԸՀ-ի տվյալներով՝ Լուկաշենկոն հաղթել է ձայների 80,1%-ով, սակայն ընտրություններից անմիջապես հետո դրանց պաշտոնական արդյունքների դեմ զանգվածային բողոքի ակցիաներ են սկսվել, որոնք ճնշվել են բռնության կիրառմամբ։ 2020 թվականի նոյեմբերին Լուկաշենկոն հայտարարել էր, որ չի առաջադրվելու նախագահի պաշտոնում նոր Սահմանադրության ընդունումից հետո։
Թարգմանությունը՝ Տաթև Ֆռանգյանի
