23.12.2024 | 20:49
ՏԿԵ նախարարը ՀԱԷԿ-ում քննարկել է նոր ատոմային էներգաբլոկի կառուցման ծրագրի վերաբերյալ հարցեր
Թրամփը հայտարարել է, որ Պուտինը ցանկանում է հնարավորինս շուտ հանդիպել իր հետ
Քաղաքականություն
23.12.2024 | 12:09
ԱՄՆ նորընտիր նախագահ Դոնալդ Թրամփը հայտարարել է, որ ՌԴ նախագահ Վլադիմիր Պուտինը ցանկանում է որքան հնարավոր է՝ շուտ հանդիպել իր հետ։ Այս մասին Թրամփը հայտարարել է Արիզոնայում կայացած համագումարի ժամանակ, փոխանցում է BBC-ի ռուսական ծառայությունը։
«Նախագահ Պուտինն ասել է, որ ցանկանում է որքան հնարավոր է՝ շուտ հանդիպել ինձ հետ։ Այնպես որ՝ պետք է սպասել, բայց պետք է վերջ տալ այս պատերազմին։ Այս պատերազմը սարսափելի է, սարսափելի»,- հայտարարել է նա:
Թրամփը, որը հունվարին կվերադառնա Սպիտակ տուն, ավելի վաղ քարոզարշավի ժամանակ ասել էր, որ նախագահ ընտրվելու դեպքում կարող է պատերազմը դադարեցնել «24 ժամում»։
Նա վերջերս քննադատել էր գործող նախագահ Ջո Բայդենի համաձայնությունը՝ Ուկրաինային թույլ տալ օգտագործել ԱՄՆ-ի մատակարարած հեռահար զենքերը ռուսական տարածքին հարվածելու համար:
«Սպանված զինվորների թիվը… Այն հարթ հող է, և փամփուշտները թռչում են, հզոր փամփուշտներ, հզոր զենք, և միակ բանը, որը կարող է կանգնեցնել դրանք, մարդու մարմինն է»,- ասել է Թրամփը՝ կրկնելով, որ Ուկրաինայում պատերազմ չէր լինի, եթե ինքն այդ պահին լիներ Միացյալ Նահանգների նախագահը։
Թարգմանությունը՝ Տաթև Ֆռանգյանի
