05.04.2026 | 18:25
Ավտոմեքենա է այրվել
Պատգամավորները դպրոցականներին ներկայացրել են ՀՀ արտաքին քաղաքականության առաջնահերթությունները
Քաղաքականություն
22.12.2024 | 14:48
«Բաց դաս» ծրագրի շրջանակում Ազգային ժողով են այցելել մայրաքաղաքի մի շարք կրթական հաստատությունների սաներ: Հայտնում են ՀՀ ԱԺ մամուլի ծառայությունից:
Պատգամավոր Լիլիթ Մինասյանը հյուրընկալել է Երեւանի Մոնթե Մելքոնյանի անվան թիվ 11 հիմնական դպրոցի աշակերտներին եւ ուսուցիչներին: Երեւանի Հակոբ Պարոնյանի անվան թիվ 59 հիմնական դպրոցի աշակերտների եւ ուսուցիչների հետ հանդիպել է խորհրդարանական Հասմիկ Հակոբյանը: Պատգամավոր Արուսյակ Ջուլհակյանն էլ զրուցել է Հայաստանի ազգային ագրարային համալսարանի հանրակրթական ծրագրերի ուսուցման վարժարանի սաների եւ դասախոսների հետ:
Պատասխանելով խորհրդարան այցելած աշակերտների հարցերին՝ պատգամավորները մանրամասն ներկայացրել են Հայաստանի արտաքին քաղաքականության առաջնահերթությունները, տարածաշրջանում խաղաղություն հաստատելուն ուղղված Կառավարության քայլերը, կրթական ոլորտում իրականացվող բարեփոխումներն ու երի տասարդներին առնչվող ծրագրերը: Հյուրերը եղել են խորհրդարանի թանգարանում եւ գրադարանում:
