19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ՌԴ-ն հավանություն է տվել Ադրբեջանի հետ «Հյուսիս-Հարավ» միջանցքով փոխադրումների զարգացման մասին համաձայնագրի նախագծին
Քաղաքականություն
21.12.2024 | 10:39
Ռուսաստանի Դաշնության կառավարությունը հավանություն է տվել Մոսկվայի և Բաքվի միջև «Հյուսիս-Հարավ» միջազգային տրանսպորտային միջանցքով տարանցիկ բեռնափոխադրումների համատեղ զարգացման մասին համաձայնագրի նախագծին: Այդ է վկայում ՌԴ վարչապետ Միխայիլ Միշուստինի ստորագրած հրամանագիրը․ գրում է ՏԱՍՍ-ը։
Փաստաթղթում նշվում է, որ համաձայնագրի նպատակն է «բարձրացնել տրանսպորտային կապերի արդյունավետությունը և մեծացնել Հյուսիս-Հարավի արևմտյան երթուղու ներուժը»։
Ռուսաստանի Դաշնությունը և Ադրբեջանը տարանցիկ փոխադրումների ժամանակ կապահովեն իրենց տարածքներով ապրանքների ազատ տեղաշարժը՝ հաշվի առնելով փաստաթղթի և երկու երկրների օրենսդրության պահանջները։
Փաստաթուղթը նաև սահմանում է բեռների երաշխավորված ծավալ, որը պետք է փոխադրվի Ռուսաստանի Դաշնությունից Ադրբեջան՝ երկաթուղային ենթակառուցվածքի թարմացումից հետո։ 2028 թվականի հունվարի 1-ից այն կկազմի առնվազն 5 մլն տոննա, իսկ համապատասխան որոշման ընդունումից հետո յուրաքանչյուր տարի այն կհասցվի 15 մլն տոննայի։
Եթե Ռուսաստանը մեկ տարվա ընթացքում չփոխադրի բեռի հայտարարագրված ծավալը, ապա «Ռուսական երկաթուղիները» պարտավոր կլինեն փոխհատուցում վճարել «Ադրբեջանական երկաթուղիներ» ՓԲԸ-ին։ Իսկ եթե Բաքուն հրաժարվի բեռ ընդունել անհրաժեշտ ծավալով, ապա ռուսական ընկերությունը կստանա փոխհատուցումը։
