07.10.2026 | 16:58
Ալիևը զանգահարել է Պուտինին
Վրաստանում բողոքի ցույցերին մասնակցած երկու ռուսաստանցի է ձերբակալվել. նրանք մեղադրվում են թմրանյութ պահելու մեջ
Քաղաքականություն
20.12.2024 | 23:24
Դեկտեմբերի 17-ին Թբիլիսիում ձերբակալվել են ռուսաստանցիներ Անաստասիա Զինովկինան և Արտեմ Գրիբուլը, ովրոնք մեղադրվում են առանձնապես խոշոր չափերով թմրանյութ պահելու մեջ։ Այս մասին հայտնում է «Վոտ տակ» պարբերականը՝ հղում անելով Զինովկինայի ընկերուհուն՝ Ալեքսանդրային։
Զինովկինան և Գրիբուլը պնդում են, որ փողոցում խուզարկության ժամանակ իրենց մոտ են նետել 16 գրամ ալֆա-ՊՎՊ ։
Ռուսներին բերման են ենթարկել Սաբուրթալո թաղամասում գտնվող իրենց տան մոտ։ Զինովկինայի մայրը հայտնել է, որ դուստրն անհետացել է իր ընկերոջ հետ, երկուսն էլ կապի դուրս չեն եկել։
Զինովկինայի հարազատները գործը շինծու են համարում քաղաքական դրդապատճառներով, քանի որ աղջիկը մասնակցել է վրացական ընդդիմության ցույցերին։ Նրա ընկեր Ալեքսանդրայի խոսքով՝ Զինովկինան Ռուսաստանում քաղաքական ակտիվիստ է եղելզ։ «Վոտ տակը» գրում է, որ Գրիբուլը նույնպես մասնակցել է Վրաստանում տեղի ունեցած բողոքի ակցիաներին։
Թարգմանությունը՝ Տաթև Ֆռանգյանի
