30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
ԱՄՆ բարձրաստիճան դիվանագետները ժամանել են Դամասկոս՝ հանդիպելու Սիրիայի նոր առաջնորդներին
Քաղաքականություն
20.12.2024 | 14:44
Ամերիկացի դիվանագետների բարձրաստիճան պատվիրակությունը ժամանել է Սիրիա՝ հանդիպելու նոր կառավարիչների հետ՝ հույս ունենալով խրախուսել նրանց գնալ չափավոր, ներառական ճանապարհով և տեղեկություններ ստանալու անհայտ կորած ամերիկացիների մասին, գրում է The Guardian-ը։
Սա ԱՄՆ-ի առաջին պաշտոնական դիվանագիտական առաքելությունն է Դամասկոս 2011-ին բռնկված քաղաքացիական պատերազմի օրերից ի վեր։
ԱՄՆ Պետքարտուղարությունը հայտնել է, որ դիվանագետները կհանդիպեն «Հայաթ Թահրիր ալ-Շամ» (HTS) խմբավորման ներկայացուցիչների հետ, որը Վաշինգտոնի կողմից ահաբեկչական խմբավորում է ճանաչվել, ինչպես նաև ակտիվիստների, քաղաքացիական հասարակության և փոքրամասնությունների խմբերի ներկայացուցիչների հետ։
Պետդեպի խոսնակն ասել է, որ ԱՄՆ պաշտոնյաները կխոսեն սիրիացիների հետ «իրենց երկրի ապագայի վերաբերյալ նրանց տեսլականի և այն մասին, թե ինչպես կարող է Միացյալ Նահանգները աջակցել նրանց»:
Պատվիրակության կազմում են Բարբարա Լիֆը, որը Մերձավոր Արևելքի հարցերով Պետդեպի բարձրաստիճան պաշտոնյան է, և արաբական աշխարհում ամերիկացի վետերան դիվանագետ Դենիել Ռուբինշտեյնը, որը պատասխանատու է Սիրիայի հարցով։ Ներկա է նաև Ռոջեր Քարսթենսը՝ ԱՄՆ պատանդների հարցերով ներկայացուցիչը, որը անհայտ կորած ամերիկացիների, այդ թվում՝ 2012 թվականի օգոստոսին առևանգված լրագրող Օսթին Թայսի որոնումներում է ներգրավված։
Թարգմանությունը՝ Էմմա Չոբանյանի
