30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
ԵՄ-ն անհնար է համարում ՆԱՏՕ-ի հովանու ներքո խաղաղապահներ ուղարկելն Ուկրաինա. WP
Քաղաքականություն
20.12.2024 | 11:44
Եվրոպական երկրները քննարկում են ռազմական գործողությունների դադարեցման դեպքում Ուկրաինա զորք ուղարկելու հնարավորությունը, սակայն խոսքը ՆԱՏՕ-ի հովանու ներքո գտնվող խաղաղապահ ուժերի մասին չէ, որոնք կպահանջեն ամբողջ դաշինքի համաձայնությունը և կարող են հակամարտություն առաջացնել Ռուսաստանի հետ։ Այս մասին գրել է ամերիկյան The Washington Post թերթը։
Հոդվածում ասվում է, որ նման բանակցությունները դեռ վաղ փուլում են, քանի որ հակամարտության գոտում հրադադարի հաստատումն այժմ անհավանական է թվում։ Որոշ եվրոպական երկրներ մտածում են իրենց զինուժը ուղարկելու մասին, քանի որ ցանկանում են Ուկրաինային «ճնշման լծակներ» տալ Ռուսաստանի հետ հնարավոր բանակցություններից առաջ:
Բացի այդ, շարունակում է WP-ն, ԵՄ-ն դա դիտարկում է որպես Ուկրաինայի՝ ՆԱՏՕ-ին անդամակցելուց առաջ անվտանգության երաշխիքների տարբերակներից մեկը։
Թարգմանությունը՝ Տաթև Ֆռանգյանի
