15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ՀՀ-ն պատրաստվո՞ւմ է վճարել ՀԱՊԿ անդամավճարը․ ԱԳՆ-ի պատասխանը
Քաղաքականություն
19.12.2024 | 17:17
ՀՀ ԱԳՆ-ն չի պատասխանում հարցին, թե մինչև վերջնաժամկետը՝ 2025 թվականի ավարտը, պատրաստվո՞ւմ է ՀՀ-ն վճարել ՀԱՊԿ անդամավճարը, թե՝ ոչ։
Արատքին գերատեսչությունից Factor.am-ի գրավոր հարցմանն ի պատասխան նշել են, որ ՀԱՊԿ ներքին ընթացակարգերի համաձայն՝ կազմակերպության ամենամյա բյուջեի վերաբերյալ տեղեկատվությունը ենթակա չէ հանրայնացման, իսկ բարձրացված հարցերը կարգավորվում են ՀԱՊԿ կանոնադրության և համապատասխան փաստաթղթերի դրույթներով։
ԱԳՆ-ի պատասխանում նաև ասվում է, որ հայաստանյան կողմը պաշտոնապես տեղեկացրել է ՀԱՊԿ քարտուղարություն, որ ձեռնպահ կմնա «ՀԱՊԿ 2024 թվականի բյուջեի մասին» ՀԱՊԿ ՀԱԽ որոշման ստորագրումից և դրանով նախատեսված՝ կազմակերպության գործունեության ֆինանսավորման մասնակցությունից։
«Հաշվի առնելով, որ որևէ որոշմամբ պարտավորություն ստանձնումն իրականացվում է տվյալ որոշմանը միանալով՝ «ՀԱՊԿ 2024 թվականի բյուջեի մասին» ՀԱՊԿ ՀԱԽ սահմանափակ ձևաչափով ընդունված որոշման ստորագրությամբ Հայաստանի Հանրապետությունը որևէ ֆինանսական պարտավորություն չի ստանձնել»,- ընդգծել են նախարարությունից։
Հիշեցնենք՝ ՌԴ փոխարտգործնախարար Ալեքսանդր Պանկինը՝ XVII Վերոնայի Եվրասիական տնտեսական համաժողովին հայտարարել էր, որ Հայաստանը կարող է պարտք ունենալ ՀԱՊԿ անդամավճարների մասով։ ՌԴ պաշտոնյան նաև նշել էր, որ Հայաստանը կարող է երկու տարի չվճարել այդ պարտքը, իսկ հետագայում կկայացվեն համապատասխան որոշումներ։
Մանյա Պողոսյան
