04.06.2026 | 10:20
Խուզարկություններ՝ 50-ից ավելի հասցեներում
Վարչապետը չի սպառնացել, խնայողությունից է խոսում․ Անահիտ Ավանեսյան. ՏԵՍԱՆՅՈՒԹ
Քաղաքականություն
19.12.2024 | 14:10
Առողջապահության նախարար Անահիտ Ավանեսյանը վստահեցնում է՝ Փաշինյանը չի սպառնացել համայնքապետերին, թե պետք է կրճատել ավտոմեքենաները, որպեսզի չզրկվեն սուբվենցիոն ծրագրերից։ «Սպառնալիք կամ նման երանգ չկար, վարչապետը ներկայացրեց պետական քաղաքականությունը, որ համայնքներն էլ պետք է շատ խնայողական լինեն բյուջետային միջոցների հանդեպ»,-կառավարության նիստից հետո լրագրողների հետ զրույցում ասաց նախարար Ավանեսյանը։
Ըստ նրա՝ դպրոցները, մանկապարտեզները, բուժկետերը պետք է վերանորոգվեն խնայված, կուտակված միջոցների հաշվին։
«Մեր ֆունկցիաներն իրականացնելու համար պետք է ունենանք ռեսուրսներ՝ ավտոմեքենա և մնացած անհրաժեշտ բաները, բայց պետք է հասկանանք, որ խնայողաբար և միայն խիստ կարիքի դեպքում պետք է հատկացնենք բյուջետային միջոցներ»,-նշեց նախարարը։
Նա ասաց նաև, թե առողջապահության համակարգում, օրինակ, դիտարկում են վարչական ծախսերի օպտիմալացման տարբերակներ։ «Եթե որևէ բան չփոխենք մեր աշխատելակարգի մեջ, դժվար թե արդյունքի հասնենք»,-ասաց Ավանեսյանը։
Մանրամասները՝ տեսանյութում։
