19.12.2024 | 17:41
«ԿամԱԶ»-ը բախվել է ժայռին. վարորդը մահացել է
Ռոստովի մարզում հարձակման է ենթարկվել նավթավերամշակման գործարանը․ ՏԵՍԱՆՅՈՒԹ
Քաղաքականություն
19.12.2024 | 12:18
Դեկտեմբերի 19-ի գիշերը Ռոստովի մարզը հարձակման է ենթարկվել ավելի քան 30 անօդաչու թռչող սարքերով և 3 հրթիռներով, գրել է նահանգապետի պաշտոնակատար Յուրի Սլյուսարը Telegram-ում։ ՀՕՊ ուժերը տեղակայվել են Տագանրոգի, Բատայսկի, Ռոստովի, Շախտիի, Կամենսկի, Միլերովոյի և Նովոշախտինսկի պաշտպանության համար, գրում է DW-ի ռուսական ծառայությունը։
«Օդային թիրախների մեծ մասը չեզոքացվել է», – ասել է նահանգապետի պաշտոնակատարը։ Հրդեհ է բռնկվել Նովոշախտինսկի նավթավերամշակման գործարանում։
«Ցավոք, անօդաչու թռչող սարքի բեկորների ընկնելու պատճառով Ռոստովի մերձակայքում գտնվող բնակավայրում մեկ մարդ վիրավորվել է, նրան ցուցաբերվել է անհրաժեշտ օգնություն: Տեղում այլ հետևանքների մասին տեղեկատվությունը կպարզվի»,- վաղ առավոտյան գրել է Սլյուսարը։
Ռուսական լրատվամիջոցները հայտնում են, որ Դոնի Ռոստովի հյուսիսում օդային հարվածի ազդանշան է հնչել, պայթյուններ են գրանցվել նաև հենց քաղաքի վրա։
Թարգմանությունը՝ Տաթև Ֆռանգյանի
