08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
ԱՄՆ Ընտրիչների կոլեգիան հրապարակել է նախագահական ընտրությունների վերջնական արդյունքները
Քաղաքականություն
18.12.2024 | 11:33
Ընտրողների կոլեգիան ԱՄՆ նորընտիր նախագահ Դոնալդ Թրամփին շնորհել է նոյեմբերի 5-ին կայացած նախնական հաշվարկի արդյունքում ստացած բոլոր ձայները։ Այս մասին հայտնում է CNN-ը։ Վերջնական արդյունքը համընկել է քվեարկության նախնական արդյունքների հետ. Թրամփը և նորընտիր փոխնախագահ Ջեյմս Դ. Վենսը ստացել են 312 ձայն, իսկ փոխնախագահ Քամալա Հարիսը և Մինեսոտայի նահանգապետ Թիմ Ուոլցը ՝ 226 ձայն: Ընտրվելու համար անհրաժեշտ էր նվազագույնը 270 ձայն։
Նշվում է, որ ընթացակարգի համաձայն՝ Հարիսը պետք է ստանա փաստաթղթերի փաթեթ՝ ընտրական քվեարկության արդյունքներով մինչև դեկտեմբերի 25-ը։
ԱՄՆ նախագահական ընտրություններում քվեարկել է ավելի քան 150 միլիոն ամերիկացի, սակայն պաշտոնապես պետության ղեկավարն ընտրվում է 538 ընտրիչների կողմից, որոնք չորս տարին մեկ հանդիպում են նահանգների մայրաքաղաքներում:
Քվեարկության արդյունքները պաշտոնապես կհաստատվեն 2025 թվականի հունվարի 6-ին Կոնգրեսի նոր կազմի կողմից։ Թրամփի երդմնակալությունը նախատեսված է 2025 թվականի հունվարի 20-ին Վաշինգտոնի կենտրոնում գտնվող Կապիտոլիումի շենքի առջև։
Թարգմանությունը՝ Տաթև Ֆռանգյանի
