04.06.2026 | 11:40
Էդուարդ Սպերցյանը փոխել է խաղային համարը Հայաստանի հավաքականում․ ԼՈՒՍԱՆԿԱՐ
Հակոբ Ասլանյանը հեռացվել է «Քաղաքացիական պայմանագիր» կուսակցությունից
Քաղաքականություն
17.12.2024 | 23:04
Դեկտեմբերի 17-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։
Չարենցավանի Տարածքային կազմակերպության խորհրդի նախագահի պաշտոնում հաստատվել է Արթուր Գալստյանի, իսկ Ապարանի Տարածքային կազմակերպության խորհրդի նախագահի պաշտոնում՝ Էդգար Փարվանյանի թեկնածությունը։
Հաստատվել են Կուսակցության անդամակցելու հայտ ներկայացրած քաղաքացիների դիմումները։
Քննարկվել են կարգապահական բնույթի հարցեր, Վարչության որոշմամբ Հակոբ Ասլանյանը հեռացվել է «Քաղաքացիական պայմանագիր» կուսակցությունից։
Հիշեցնենք, որ ՔՊ պատգամավոր Հակոբ Ասլանյանը Factor TV-ի եթերում հայտարարություն էր արել, ըստ որի՝ նա սառեցնում է իր համագործակցությունը ՔՊ-ի հետ։
Ապա ժամեր անց ասել էր, որ զղջացել է իր հայտարարության համար և հետ կանգնել այդ որոշումից, սակայն արդեն հեռացվել էր ՔՊ խմբակցությունից։
