25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Չինաստանում նախկին պաշտոնյային մահապատժի են ենթարկել կոռուպցիայի համար
Քաղաքականություն
17.12.2024 | 23:01
Չինաստանի Հոհ-Հոտ տնտեսական և տեխնոլոգիական զարգացման գոտու աշխատանքային կոմիտեի նախկին քարտուղար Լի Ցզյանպինը մահապատժի է ենթարկվել կոռուպցիայի համար։ Նա մեղավոր է ճանաչվել կոռուպցիայի, կաշառակերության, պետական միջոցների յուրացման և հանցավոր խմբավորման հետ դավադրության մեջ, գրում է China Daily-ն։
Գերագույն ժողովրդական դատարանի վճիռն իրականացվել է Ներքին Մոնղոլիայի տեղական դատարանի կողմից։ Լին նախկինում ևս պաշտոնյա է եղել Հյուսիսային Չինաստանի Ներքին Մոնղոլիայի ինքնավար մարզում: Դատարանը գտել է, որ Լին օգտվել է իր դիրքից՝ յուրացնելով ավելի քան 1,437 միլիարդ յուան (220 միլիոն դոլար) պետական ընկերության միջոցները:
Նա մեղադրվում է ավելի քան 577 միլիոն յուան (ավելի քան 79 միլիոն դոլար) կաշառք ստանալու մեջ՝ նպաստ նշանակելու դիմաց։
Դատարանի տվյալներով՝ Լին նպաստել է նաև կազմակերպված հանցավոր խմբերի անօրինական գործունեությանը։
Լիի մահվան դատավճիռը կայացվել է 2022 թվականին և ուժի մեջ է մտել 2024 թվականին վերաքննիչ դատարանում։
Թարգմանությունը՝ Տաթև Ֆռանգյանի
