30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Գերմանիայում mpox վիրուսի վտանգավոր շտամով վարակվածների են հայտնաբերել
Քաղաքականություն
17.12.2024 | 17:04
Գերմանիայում հայտնաբերվել են mpox վիրուսի Ib վտանգավոր տարբերակով վարակման մի քանի դեպքեր (հայտնի է որպես կապիկի ծաղիկ): Հյուսիսային Ռեյն-Վեստֆալիայի Ռոսրատ քաղաքի դպրոցը փակվել է կարանտինի համար՝ երկու աշակերտի հիվանդության պատճառով, իսկ մնացած դպրոցականները ժամանակավորապես անցել են հեռավար ուսուցման, հաղորդում է DW-ի ռուսական ծառայությունը։
Բացի այս երկու երեխաներից՝ նույն ընտանիքի ևս երկու անդամներ են վարակվել վիրուսով։ Ենթադրաբար, նրանցից մեկը հիվանդությունը «բերել» է Աֆրիկա կատարած իր ճանապարհորդությունից և վարակել հարազատներին։ Չորսն էլ այս պահին կարանտինում են։
Բեռլինի Ռոբերտ Կոխի ինստիտուտը (RKI) դեռևս «ցածր» է գնահատում Գերմանիայի բնակիչների համար կապիկի ծաղիկի վտանգավոր շտամով վարակվելու ռիսկը:
«Mpox-ի փոխանցման համար անհրաժեշտ է սերտ ֆիզիկական շփում»,- հայտնել են ինստիտուտից:
Միաժամանակ, բժիշկները հավելել են, որ ուշադիր հետևում են իրավիճակին և պատրաստ են վերանայել իրենց գնահատականը։
Գերմանիայում Mpox վիրուսի Ib տարբերակով վարակման առաջին դեպքը գրանցվել է հոկտեմբերին Քյոլնում։ Ենթադրվում է, որ այս դեպքում նույնպես հիվանդըդ վարակվել է Աֆրիկա կատարած ուղևորության ժամանակ։
Թարգմանությունը՝ Տաթև Ֆռանգյանի
