09.09.2026 | 12:34
Առաջիկայում հնարավոր է գլխավոր դատախազը գա ԱԺ՝ Ծովինար Վարդանյանին մեղադրյալ ներգրավելու հարցով․ Էդգար Ղազարյան․ ՏԵՍԱՆՅՈւԹ
ԵՄ-ն պատրաստվում է Սիրիայի նոր իշխանությունների հետ քննարկել երկրից ռուսական ռազմաբազաների դուրսբերման հարցը
Քաղաքականություն
17.12.2024 | 11:16
ԵՄ-ն ծրագրում է Սիրիայի նոր իշխանությունների հետ քննարկել երկրից ռուսական ռազմաբազաների դուրսբերման հարցը։ Այս մասին հայտարարել է եվրոպական դիվանագիտության ղեկավար Կայա Կալլասը, գրում է Meduza-ն։
Կալլասը լրագրողներին ասել է, որ ԵՄ երկրների «շատ արտգործնախարարներ կողմ են եղել Սիրիայում ռուսական ռազմական ներկայություն չլինելուն»։
Ըստ Կալլասի՝ դա, իրենց կարծիքով, «պետք է լինի պայման Սիրիայի նոր ղեկավարության համար», և այդ հարցը «կբարձրացվի Սիրիայի իշխանությունների հետ հանդիպումների ժամանակ, երբ դրանք լինեն»։
Ռուսաստանը ռազմաբազաներ ունի սիրիական Տարտուսում և Լաթաքիայում։ Հաղորդվում էր, որ Մոսվան Սիրիայի նոր իշխանությունների հետ բանակցում է դրանց պահպանման շուրջ։
Նախօրեին էլ ՌԴ նախագահի մամուլի խոսնակ Դմիտրի Պեսկովը հայտարարել էր, որ Սիրիայում ռուսական ռազմաբազաների ապագայի հետ կապված վերջնական որոշում դեռևս չկա։
Թարգմանությունը՝ Էմմա Չոբանյանի
