08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Կրեմլը հայտնում է, որ Սիրիայում ռուսական ռազմաբազաների ապագայի հետ կապված վերջնական որոշում դեռևս չկա
Քաղաքականություն
16.12.2024 | 16:20
Սիրիայում ռուսական բազաների ապագան դեռևս որոշված չէ, Մոսկվան երկխոսություն է վարում այդ երկրում իրավիճակը վերահսկող ուժերի հետ, հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Որևէ վերջնական որոշում դրա հետ կապված չկա, մենք շփումներ ենք իրականացնում այն ուժերի ներկայացուցիչների հետ, որոնք հիմա վերահսկում են իրավիճակը երկրում։ Այդ ամենը որոշվելու է երկխոսության ընթացքում»,- ասել է Կրեմլի ներկայացուցիչը՝ պատասխանելով հարցին՝ արդյո՞ք որոշում կայացվել է Սիրիայում ռուսական բազաների ճակատագրի վերաբերյալ, և արդյո՞ք ճիշտ են սոցցանցերի որոշ հաղորդագրությունները, որ ՌԴ-ն Լիբիան դիտարկում է որպես նոր տարածք, որտեղ կարող են բազաներ ստեղծվել՝ Սիրիայում գործողների փոխարեն։
Ռուսաստանին են պատկանում Սիրիայում երկու ռազմական բազաներ՝ Ռուսաստանի ռազմածովային ուժերի նյութատեխնիկական ապահովման կենտրոնը Տարտուս նավահանգստային քաղաքում և Խմեյմիմ ավիաբազան, որը գտնվում է Լաթաքիայի նահանգի Ջեբլա քաղաքի մոտ։
Դեկտեմբերի 13-ին ՏԱՍՍ-ի աղբյուրը հայտնել էր, որ ՌԴ-ն բանակցություններ է վարում Սիրիայի նոր իշխանությունների հետ երկրում իր երկու ռազմաբազաների պահպանման շուրջ։ Նա նշել էր, որ ռուսական կողմն ապահովել է անվտանգության ժամանակավոր երաշխիքներ, ուստի ռազմակայանները գործում են սովորական ռեժիմով։
Թարգմանությունը՝ Էմմա Չոբանյանի
