16.01.2025 | 13:07
«Ինձ ասել են` «Զարյա-3» կիրառվել է, թե` ոչ, չեմ կարող բացահայտել». ՄԻՊ․ ՏԵՍԱՆՅՈՒԹ
Կառավարության պարտքը գերազանցել է 12,5 մլրդ դոլարը
16.12.2024 | 20:13
Հայաստանի պետական պարտքը 2024 թվականի նոյեմբերի վերջին կազմել է 12 մլրդ 569 մլն դոլար։ Ըստ Ֆինանսների նախարարության՝ նոյեմբերին, հոկտեմբերի համեմատ, պետական պարտքը նվազել է 63 մլն դոլարով։ Այս նվազումը պայմանավորված է կառավարության պարտքի՝ 49,8 մլն և Կենտրոնական բանկի՝ 13,2 մլն դոլարով նվազմամբ, ինչը, համապատասխանաբար, կազմել է 12 մլրդ 74 մլն և 495 մլն դոլար։
Կառավարության պարտքն իր հերթին նվազել է ներքին պարտքի՝ 84,6 մլն դոլարով պակասելու արդյունքում։ Իսկ ահա արտաքին պարտքն ավելացել է 34,8 մլն դոլարով։
Կառավարության պարտքի 48%-ն արտաքին է։
Նկատենք, որ մինչև 2024 թվականի մայիս Կառավարության արտաքին պարտքը դոլարային արտահայտությամբ գերակշռել է ներքին պարտքի համեմատ։ Ընդ որում, եթե արտարժութային պարտքի տոկոսադրույքը 3,9% է, ապա դրամային պարտքի համար այն շատ ավելին է՝ 10,7%։ Այսինքն՝ դրամով պարտքն ավելի թանկ է, և դրա հարաբերակցության ավելացումը նշանակում է ավելի մեծ տոկոսավճարներ, քան նախկինում:
Կառավարության պարտքի գծով վճարումները տարեցտարի ավելանում են․ 2023 թվականին այն եղել է 675,1 մլրդ դրամ, 2024-ի պետբյուջեի ծրագրով 803,2 մլրդ է, իսկ 2025 թվականին կազմելու է 1 տրլն 122,4 մլրդ դրամ։ 2025 թվականին ՀՀ Կառավարության պարտքի գծով վճարումների այս կտրուկ աճը պայմանավորված է մարման ենթակա եվրապարտատոմսերով:
Գայանե Խաչատրյան
