16.12.2024 | 23:28
Թուրքիան օգտագործում է հակաահաբեկչական մոդել՝ վտարանդի քննադատներին թիրախավորելու համար․ The Washington Post
Ռանչպարում պետական սահմանի հավանական հատման փորձի վերաբերյալ վարույթ նախաձեռնված չէ
Հասարակություն
16.12.2024 | 18:50
Արարատի մարզի Ռանչպար բնակավայրի հատվածում ՀՀ պետական սահմանի ապօրինի հատման հավանական փորձի վերաբերյալ ներկայում նախաձեռնված քրեական վարույթ առկա չէ:
Ազգային անվտանգության ծառայության կողմից ստուգումներ՝ անհրաժեշտ օպերատիվ-հետախուզական միջոցառումներ են իրականացվում։ Այս մասին Factor TV-ի հարցին ի պատասխան՝ հայտնում են Գլխավոր դատախազությունից։
Հիշեցնենք, որ դեկտեմբերի 10-ին Արարատի մարզում՝ հայ-թուրքական սահմանին ռուս սահմանապահները հայտնաբերել էին, որ մի հատվածում փշալարը վնասված է։ Սահմանապահները վնասված հատվածի մոտ նկատել էին թույլ երևացող ոտնահետքեր։
Ռանչպարի սահմանային հատվածում փշալար կա վնասված, ոտնահետքեր են հայտնաբերվել
Ռանչպարի վարչական ղեկավար Վահան Վարդանյանն էլ Factor TV-ի հետ զրույցում հայտնել էր, որ թեև հստակ չի կարող ասել, թե քանի անձի ոտնահետքի մասին է խոսքը, սակայն առերույթ երկու տարբերվող ոտնահետքեր են նկատվել։
Արաքս Մամուլյան
