14.12.2025 | 18:20
Թաիլանդն ու Կամբոջան շարունակում են ռազմական գործողությունները
Պուտինը հայտարարել է այս տարի Ուկրաինայում 189 բնակավայր գրավելու մասին
Քաղաքականություն
16.12.2024 | 17:29
ՌԴ նախագահ Վլադիմիր Պուտինը ելույթ է ունեցել Պաշտպանության նախարարության խորհրդի նիստում, որի ընթացքում հնչեցված ամենաուշագրավ հայտարարությունները ներկայացրել է BBC-ի ռուսական ծառայաությունը։
Նախ, Պուտինի պնդմամբ՝ 2024 թվականին ռուս զինվորականներն Ուկրաինայում 189 բնակավայր են գրավել (Պուտինն օգտագործել է ազատագրված բառը): ՌԴ նախագահը չի նշել սպանված ռուս զինվորների թիվը (BBC-ն բաց տվյալների հիման վրա կարողացել է նույնականացնել առնվազն 83,338 անուն), սակայն ՊՆ Խորհրդի նիստում հայտարարել է մեկ րոպե լռություն։
Երկրորդ՝ Պուտինը պնդում է, որ այս տարի, միջին հաշվով, ամեն օր պայմանագրով զինվորական ծառայության է անցնում ավելի քան հազար մարդ։ Սա համահունչ է ուկրաինական պատերազմի կամավորների թվի վերաբերյալ ավելի վաղ հաղորդված թվերին:
Երրորդ՝ նա հրամայել է մշտական պատրաստության վիճակում պահել ոչ ռազմավարական միջուկային ուժերին և հայտարարել է, որ առաջիկայում կապահովվի «Օրեշնիկ» համալիրների սերիական արտադրությունը, որոնք առաջին անգամ օգտագործվել են նոյեմբերին։
Չորրորդ՝ Պուտինը հիշեցրել է, որ ռուսական զինված ուժերի կանոնավոր թիվը հասցվել է 1,5 միլիոնի։ Այս մասին նա հրամանագիր է ստորագրել սեպտեմբերին։
Եվ, ի վերջո, ՌԴ նախագահը պահանջել է ավելացնել անօդաչու սարքերի արտադրությունը, որոնցով Ռուսաստանն ամեն օր հարձակվում է Ուկրաինայի վրա։
Թարգմանությունը՝ Տաթև Ֆռանգյանի
