23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Հարավային Կորեայի իշխող կուսակցության ղեկավարը հրաժարական է տվել
Քաղաքականություն
16.12.2024 | 12:09
Հարավային Կորեայի նախագահ Յուն Սոկ Յոլի իմփիչմենթի ֆոնին իշխող «Քաղաքացիական ուժ» կուսակցության նախագահ Հան Դոնգ Հունը հրաժարական է ներկայացրել։ Կուսակցության նախագահն այս որոշման մասին անձամբ է հայտարարել դեկտեմբերի 16-ին Սեուլում կայացած մամուլի ասուլիսում։
Հանն ասել է, որ այլևս չի կարող լինել կուսակցության առաջնորդ՝ «դրա գերագույն խորհրդի փաստացի փլուզման պատճառով», որի անդամները նույնպես նախկինում հայտարարել են հրաժարականի մասին, գրում է DW-ի ռուսական ծառայությունը՝ հարավկորեական KBS World լրատվամիջոցին հղումով։
Քաղաքական գործիչը նաև ներողություն է խնդրել երկրի քաղաքացիներից, ովքեր «տուժել» են Յուն Սոկ Յոլի՝ դեկտեմբերի սկզբին Հարավային Կորեայում ռազմական դրություն մտցնելու որոշումից։
Հան Դոնգ Հունն ավելի վաղ նախագահ Յունից պահանջել էր հրաժարական ներկայացնել։
Հունի հրաժարականից հետո «Քաղաքացիական ուժ» կուսակցությունը կկառավարի արտակարգ կոմիտեն։
Թարգմանությունը՝ Տաթև Ֆռանգյանի
